【带女友去一定嬲系列】北上发现伪港女咖啡店 LADY 7
作者：笔记咖啡
发布时间：
浏览次数： 643
早排识咗个女仔，明知佢一直都好想食间港女咖啡店Lady乜（按：应该系纽约的精品蛋糕店）你知啦，住大西北天水围，北上落马洲快过去中环，虽然嗰间Lady乜喺沙田开咗分店，不过日日条龙长过轮长者米，点食先？
花费我一轮心思后，我发现深圳都有间睇落同佢有9成似嘅港女咖啡店，咪特登同佢探下险。除咗个招牌怪怪的，但里面嘅云石纹枱、白色主调、贵气茶具、千层蛋糕，样样都似到十足十，而且仲有香港店无嘅方型吐司（其实香港都有其他咖啡店卖），店内仲有一面（假）花花墙，相当容易影到呃like嘅相。
睇睇餐牌，甜品大堆头，又千层蛋糕又吐司，无啦啦有「名厨主理」呢个位，一贯大陆式嘅派头，嗰位大叔感觉好亲切，好似我楼下酒楼斩叉烧个师傅。拣唔落手，不如就点招牌货就好，先来一个千层蛋糕。
讲到食，外表睇落同香港嗰间千层蛋糕无咩分别，仔细看就会端倪，首先就系忌廉真系超级厚身，食完系会实时觉得腻，而且唔够冻，cream仲有少少溶溶地嘅感觉，女伴食完有会有少少皱眉头。
好啦，咁唯有食蜜糖吐司啦，味道反而有惊喜，吐司烤得相当仔细，每小方都四边均匀，不过装饰用嘅朱古力应该系我食过最难食嘅一款，蜜糖唔算太甜，不过其他酱就甜到漏，同样有无可比拟嘅饱肚感。分享到：
