一杯咖啡测试你有没有体味

　　夏天除咗为大地带来雨水同美腿，仲包括浓浓嘅体味……特别系同人迫巴士迫地铁时，就会强烈地感受到不同气味嘅体臭四方袭来，一唔觉意大大力索一啖分分钟臭晕都似。当你心入面抱怨︰妖！咁臭就喷多啲止汗剂嘅同时，有冇谂过，其实当事人可能唔知自己咁鬼臭呢？

　　啲人成日话自己系闻唔到自己身上嘅体味，唔系得个讲字，有研究指出，人嘅嗅觉只会对独特气味嘅变化产生反应，当你长期都闻紧同一种气味（自己嘅体味），咁你嘅嗅觉就会适应咗自己嘅气味，呈现封闭状态，所以好多人闻唔出自己身上嘅气味，系非常之合情合理。